වැටුප් වැඩි කරන ලෙස ඉල්ලා බංග්ලාදේශයේ දහස් ගනනක් ඇඟලුම් සේවකයන් වැඩ වර්ජන වලට එක්ව සිටිනවා.
බංග්ලාදේශයේ ඩකා අගනුවර මෙම විරෝධතා පැවැත්වෙනවා.
ඇඟලුම් සේවක සේවිකාවන් 5,000ක් පමණ ඊට එක්ව සිටියා.
මාර්ග බාධක යොදමින් පොලිසිය ඊට බාධා එල්ල කළා.
කම්කරුවන් වැටුප අවම වශයෙන් ටකා 23,000 ක් එනම් යුරෝ 190ක් දක්වා වැඩි කරන්නයි ඉල්ලා විරෝධතා පැවැත්වෙනවා.
දැනට පවතින්නේ ටකා 8,300ක එනම් යුරෝ 70ක මාසික වැටුපක්.
ඩකා අගනුවර එක් කාමරයක් සහිත නිවසක කුලියට පමණක් ටකා 5,000 සිට 6,000 දක්වා ගෙවිය අතර ටකා 8,300 ක වැටුපකින් එය කළ නොහැකි බව ඔවුන් පෙන්වා දෙනවා.
බටහිර සන්නාම රැසකට ඇඳුම් සපයන කර්මාන්තශාලා 3,500ක් පමණ ඇති බංග්ලාදේශ රෙදිපිළි කර්මාන්තය ලොව විශාලතම ඇඳුම් අපනයනකරුවන්ගෙන් එකක් වන අතර වාර්ෂික ඇඳුම් අපනයන ආදායම වන ඩොලර් බිලියන 55න් 85%කට හිමිකම් කියනවා.
The post වැටුප් වැඩි කරන ලෙස ඉල්ලා බංග්ලාදේශයේ ඇඟලුම් සේවකයින් වැඩ වර්ජනයක appeared first on ITN News.
Post a Comment