බංග්ලාදේශයේ ඡන්ද මධ්‍යස්ථාන 14කට ගිනි තබා ඇති අතර ප්‍රචණ්ඩ ක්‍රීයා ද වාර්තා වී තිබෙනවා.
බංග්ලාදේශ මහා මැතිවරණය අද පැවැත්වෙන අතර ඒ සඳහා සූදානම් කර තිබු ඡන්ද මධ්‍යස්ථාන 14කටයි මෙසේ ගිනි තබා ඇත්තේ.
මෙම ඡන්ද මධ්‍යස්ථාන ඩකා අගනුවරට තදාසන්න ප්‍රදේශවල පිහිටි ඒවා බව එරට වාර්තා සඳහන් කළා.
සිකුරාදා දිනයේ දී ද දුම්රියකට ගිනි තබා තිබු අතර ඉන් 4 දෙනෙකු මිය ගොස් තිබුණා.
අගමැතිනි ෂෙයික් හසිනා අඛණ්ඩව සිව්වන වරටත් මෙම මැතිවරණය ජයගනු ඇති බවට මත පළ වී ඇති අතර බොහෝ විරුද්ධ පක්ෂ මැතිවරණය වර්ජනය කිරීමටයි කටයුතු කර ඇත්තේ.
පාලක අවාමි ලීගේ පවසන්නේ ජනතාව පීඩාවට පත් කිරීමට භීෂණය මුදා හරිමින් විපක්ෂ කණ්ඩායම් මෙවැනි තත්ත්වයක් නිර්මාණය කර ඇති බවයි.
The post බංග්ලාදේශයේ ඡන්ද මධ්‍යස්ථාන 14කට ගිනි තබයි appeared first on ITN News.
Post a Comment