චීන සාම්ප්‍රදායික නව වසර වෙනුවෙන් චීන මාධ්‍ය සමූහය විසින් ඉදිරිපත් කරනු ලබන 2024 වසන්ත උත්සව ප්‍රසංගයේ පස්වන පෙරහුරුව ඊයේ (7) පැවැත්වුණා.
ලොව පුරා වැඩිම පිරිසක් නරඹන සජීවි රූපවාහිනි වැඩසටහන ලෙසයි මෙය හැඳින්වෙන්නේ.
මෙම සංස්කෘතික ප්‍රසංගය ගීත, නැටුම්, ජන කතා, නාට්‍ය, සටන් කලා, මැජික් සහ කරණම් යනාදී විවිධ අංගයන්ගෙන් සමන්විතයි.
ප්‍රධාන ප්‍රසංග වේදිකාවට අනු වේදිකා හතරක් සම්බන්ධ වෙමින් ගෙන එන මෙම ප්‍රසංගය ගෝලීය ප්‍රේක්ෂකයින්ට නැවුම් අත්දැකීමක් එක් කරනවා.
මේ වන විට චීන මාධ්‍ය සමූහයේ 2024 වසන්ත උත්සව ප්‍රසංගය සඳහා සියලු කටයුතු සූදානම්ව පවතිනවා.
එළඹෙන 9වනදා රාත්‍රීයේ විකාශය කෙරෙන මහා “සංස්කෘතික මංගල්‍යයක්” වන මෙම ප්‍රසංගය නැරඹීමට ලොව පුරා සිටින චීන ජාතිකයින් ඇතුළු සියළු ප්‍රේක්ෂකයින්ට ආරාධනා කෙරෙනවා.
The post චීන මාධ්‍ය සමූහයේ වසන්ත උත්සව ප්‍රසංගය 9 වනදා රාත්‍රියේ appeared first on ITN News.
Post a Comment