යෝජිත ගාසා සටන් විරාම යෝජනාවලිය සඳහා හමාස් සංවිධානය යහපත් ප්‍රතිචාර දක්වා ඇති බව කටාර් රාජ්‍ය නිවේදනය කරනවා.
ඊශ්‍රායලය ,ඇමෙරිකාව , කටාර් හා ඊජිප්තුව එක්ව ගාසා නව සටන් විරාම යෝජනාවලිය සකස්කර තිබෙනවා.
එම යෝජනාවලිය සඳහා හමාස් සංවිධානය යහපත් ප්‍රතිචාරයක් දක්වා ඇති බවයි වාර්තා වන්නේ.
සති හයක සටන් විරාමයක් හා ඊශ්‍රායල ප්‍රාණ ඇපකරුවන් නිදහස් කිරීම එහි අඩංගු බව වාර්තා වුවද යෝජනාවලිය සම්බන්ධයෙන් මේ වන තෙක් මාධ්‍ය වෙත නිල නිවේදනයක් නිකුත් කර නැහැ.
මේ අතර ඊශ්‍රායලය ගාසා තීරයේ රෆා දේශසීමාව ආසන්නයට ප්‍රහාර එල්ල කර තිබෙනවා.
රෆා හි නිවාසයකට හා ඩීර්එල් බාලාහි ගබඩාවකට ෂෙල් ප්‍රහාර එල්ල කිරීමටයි කටයුතු කර ඇත්තේ.
එම ප්‍රහාරවලින් බොහෝ පිරිසක් මියගොස් ඇති බව විදෙස් වාර්තා සඳහන් කරනවා.
The post යෝජිත සටන් විරාම යෝජනාවලියට හමාස් සංවිධානයෙන් යහපත් ප්‍රතිචාර appeared first on ITN News.
Post a Comment