පාකිස්තානයේ හිටපු අග්‍රාමාත්‍ය නවාස් ෂරීෆ් හා බිලාවල් භූතෝ නව රජයක් පිහිටුවීම සඳහා එකඟතාවයකට පැමිණ ඇති බව විදෙස් මාධ්‍ය සඳහන් කරනවා.
පසුගිය සතියේ පැවති පාකිස්තාන මහ මැතිවරණයෙන් කිසිදු පක්ෂයකට බහුතර බලයක් හිමිකර ගැනීමට හැකියාව ලැබුණේ නැහැ.
ඉම්රාන් ඛාන්ට පක්ෂපාත ස්වාධීන කණ්ඩායම් ආසන 93ක්ද හිටපු අග්‍රාමාත්‍ය නවාස් ෂරීෆ් ආසන 75ක් හා බිලාවල් භූතෝ ආසන 54ක් දිනා ගැනීමට සමත්වුණා.
කිසිදු පක්ෂයකට බහුතර බලයක් නොමැතිවීම හේතුවෙන් සභාග රජයක් පිහිටුවීමට සිදුවන අතර ඒ සඳහා ෂරීෆ් හා භූතෝ පක්ෂ එකඟතාවයකට එළඹ තිබෙනවා.
කෙසේ වුවද ඔවුන් රජයක් පිහිටුවන බව නිවේදනය කළ පසු හිටපු අග්‍රාමාත්‍ය ඉම්රාන් ඛාන්ගේ පීටීඅයි පක්ෂය නිවේදනයක් නිකුත් කරමින් සඳහන් කරන්නේ ෂරීෆ් / භූතෝ සභාගය ජනමතය සොරා කෑ දූෂිත කණ්ඩායම් බවයි.
The post නවාස් ෂරීෆ් හා බිලාවල් භූතෝ නව රජයක් පිහිටුවීමට එකඟ වෙයි appeared first on ITN News.
Post a Comment