ගාසා තීරයේ රෆා ප්‍රදේශයේ යුද මෙහෙයුම් ආරම්භ කිරීමට ඊශ්‍රායලය ගෙන ඇති තීරණයට ජාත්‍යන්තරයේ දැඩි විරෝධය එල්ල වනවා.
රෆා ප්‍රදේශයේ මිලියන 1.5කට අධික පලස්තීන වැසියන් පිරිසක් රැඳී සිටින අතර ඔවුන්ට එම ප්‍රදේශයෙන් ඉවත් වන ලෙසයි ඊශ්‍රායල අග්‍රාමාත්‍යවරයා දැනුම් දී ඇත්තේ.
ගාසා ජනගහනයෙන් අඩකටත් අධික සංඛ්‍යාවක් එම ප්‍රදේශයේ රැඳී සිටින බවයි බ්‍රිතාන්‍ය විදේශ කටයුතු අමාත්‍යවරයා පෙන්වා දෙන්නේ.
එමෙන්ම එම ප්‍රදේශයට ප්‍රහාර එල්ල කිරීම හරහා සිවිල් වැසියන් විශාල සංඛ්‍යාවක් ජීවිතක්ෂයට පත්ව හැකි බවට නෙදර්ලන්ත විදේශ කටයුතු අමාත්‍යවරයා අනතුරු අඟවනවා.
රෆා ප්‍රදේශයේ යුද මෙහෙයුම් ආරම්භ කිරීම අතිශය භයානක තත්ත්වයත් උද්ගත කර හැකි බවයි සෞදි අරාබිය පවසන්නේ.
එමෙන්ම තවත් සිය දහස් ගණනක් මරා දැමීමට ඊශ්‍රායලය සුදානම් වන බව හමාස් සංවිධාන නිවේදනය කරනවා.
පසුගිය ඔක්තෝබර් 7 වන දා සිට මේ දක්වා ඊශ්‍රායල ප්‍රහාරයන්ගෙන් ජීවිතක්ෂයට පත් වු පලස්තීන වැසියන් සංඛ්‍යාව 28000ට ආසන්නයි.
එමෙන්ම තුවාල ලැබු සංඛ්‍යාව 67000ක් වන බව ජගත් සංවිධානය පවසනවා.
The post රෆා ප්‍රදේශයේ යුද මෙහෙයුම්වලට ජාත්‍යන්තරයේ දැඩි විරෝධය appeared first on ITN News.
Post a Comment