මෙම වසරේදී පමණක් චීනයට බලපා ඇති ස්වභාවික ආපදාවන්ගෙන් සිදුව ඇති හානිය ඇමෙරිකා ඩොලර් බිලියන තුනකට අධික බව ගනන් බලා තිබෙනවා.
2024 වසරේ මේ වන තෙක් චීනයට බලපෑ ගංවතුර / නියං / භූකම්පන / නායයෑම් / හිම පතනය හා දූවලි කුණාටු හේතුවෙන් ඇමෙරිකා ඩොලර් බිලියන 3.28ක හානියක් සිදුව ඇති බව එරට ආපදා කළමනාකරණ අමාත්‍යංශය නිවේදනය කරනවා.
අධික හිම පතනයන් / ෂිං ජියෑන්ග් ප්‍රාන්තයට බලපෑ රිච්ටර් පරිමාණ ඒකක 7.1ක ප්‍රබලත්වයෙන් යුත් භූ කම්පනය / යුනාන් ප්‍රාන්තයේ සිදුවූ නායයෑම් / කහ ගංගාව පිටාර ගැලීම හේතුවෙන් ඇතිවූ ගංවතුර හේතුවෙන් වැඩිම ආර්ථික හානියක් සිදුව තිබෙනවා.
මෙම ස්වභාවික ආපදාවන්ගෙන් පුද්ගලයින් 79 දෙනෙකු ජීවිතක්ෂයට පත්ව ඇති අතර ලක්ෂයකට අධික පිරිසක් ආරක්ෂිත ස්ථාන කරා යොමුකර තිබෙනවා. එමගින් බලපෑම් එල්ලවී ඇති පිරිස මිලියන දහයකට අධිකයි.
The post චීනයට ස්වභාවික ආපදාවන්ගෙන් ඩොලර් බිලියන තුනක් පාඩු වෙලා appeared first on ITN News.
Post a Comment