ශ්‍රී ලංකා යුද හමුදාවේ බ්‍රිගේඩියර්වරුන් පස්දෙනෙකු මේජර් ජෙනරාල් නිලයට උසස්කෙරුණා. එමෙන්ම කපිතාන්වරු 34 දෙනෙකු ද මේජර් නිලයට උසස්කර තිබෙනවා. ජනාධිපති මෛත්‍රීපාල සිරිසේන මැතිතුමා මෙම පත්වීම් සිදුකර තිබෙනවා.
උසස්වීම් ලැබූ මෙම නිලධාරීන් ත්‍රස්තවාදය පරාජය කිරීමේ සටනේදී විශේෂ මෙහෙයක් ඉටුකළ නිලධාරීන් වනවා. මේ අනුව යුද හමුදා යුද්ධෝපකරණ බලකායේ බ්‍රිගේඩියර් එච් ජී අයි විද්‍යානන්ද, ශ්‍රී ලංකා ඉංජිනේරු බලකායේ බ්‍රිගේඩියර් ටී ජේ නානායක්කාර, ගජබා රෙජිමේන්තුවේ බ්‍රිගේඩියර් ආර් බී එම් දවුලගල,ශ්‍රී ලංකා ඉංජිනේරු බලකායේ එස් කේ තිරුනාවුකරසු සහ ශ්‍රී ලංකා කාලතුවක්කු හමුදාවේ බ්‍රිගේඩියර් පී ආර් වනිගසූරිය යන අයයි මේජර් ජෙනරාල් නිලයට උසස්කර තිබෙන්නේ.
Post a Comment