බලපත්‍රයක් නොමැතිව ඇත් පැටවෙකු ළඟ තබාගත් බව කියන සිද්ධිය සම්බන්ධයෙන් විදේශ ගමන් තහනමකට ලක්ව සිටි පූජ්‍ය උඩුවේ ධම්මාලෝක ස්වාමීන් වහන්සේට විදේශ ගතවීම සඳහා කොළඹ මහාධිකරණය අවසර ලබාදුන්නා.
ඒ අනුව ධම්මාලෝක ස්වාමීන් වහන්සේට පනවා තිබූ විදෙස් ගමන් තහනම සැප්තැම්බර් 10 වනදා දක්වා ලිහිල් කිරීමට නියෝග කෙරුණා. අධිකරණයෙන් අවසර ගෙන විදේශගතවීමට පසුගියදා උත්සාහ කළද ගුවන්තොටුපොල බලධාරීන් ඊට ඉඩ ලබානොදුන් බව විත්තියේ නීතීඥවරයා මෙහිදී අධිකරණයට දන්වා සිටියා. ධම්මාලෝක ස්වාමීන් වහන්සේට විදේශගතවීමට නොහැකි වූයේ අධිකරණ නියෝගය වැරදි ලෙස වටහාගැනීම හේතුවෙන් බව රජයේ නීතීඥවරයා අධිකරණය හමුවේ ප්‍රකාශ කළා. ධම්මාලෝක ස්වාමීන් වහන්සේට එරෙහිව වන සත්ත්ව හා වෘක්ෂලතා ආඥා පනත සහ පොදු දේපල පනත යටතේ අධි චෝදනා දෙකක් ගොනුකර තිබෙනවා.
Post a Comment