1995 වර්ෂයේ සිට මේ දක්වා ඉන්දීය ගොවීන් ලක්ෂ තුනක් සියදිවි හානි කරගෙන ඇති බව හෙළිවුණා. ඒ කෘෂි නිෂ්පාදන වලට ඉහළ මිලක් නොලැබීම සහ ගොවි සහන කප්පාදු කිරීම හේතුවෙන්.
දශක ගණනක්පුරා ඉන්දීය ගොවීන් නියඟය, ජල හිඟය, නිෂ්පාදනය අඩුවීම සහ නූතන තාක්ෂණික ක‍්‍රම භාවිතයට නොගෙනීම හේතුවෙන් පීඩාවට පත්ව සිටිනවා.
ඒ සමඟ ඉන්දියාවේ දස දහස් ගණනක ගොවීන් ණය ගෙවා ගැනීමට නොහැකි තත්වයකට පත්ව ඇති බවයි එරට මාධ්‍ය වාර්තා කළේ.
දහස් සංඛ්‍යාත ගොවීන් පිරිසක් නව දිල්ලි අගනුවර දින දෙකක විරෝධතාවකට ද එක්වුණා. මෙම විරෝධයට ඉදිරියේදී ඉන්දීය විපක්ෂයේ සහාය ලැබෙන බවට ද වාර්තා පළව තිබෙනවා.
මෙලෙස ගොවි උද්ඝෝෂණයක් ආරම්භවී ඇත්තේ ඉන්දීය මහ මැතිවරණය සහ ප‍්‍රාදේශ්‍රීය මැතිවරණ සඳහා දින නියමවී ඇති පසුබිමකයි.
ග‍්‍රාමීය ආදායම් පහත වැටීම ලබන වසරේ ඉන්දීය මහ මැතිවරණයට තීරණාත්මක ලෙස බලපානු ඇතැයි ද එරට දේශපාලන විචාරකයන් පෙන්වාදෙනවා.
Post a Comment