මේ වසර වෙනුවෙන් ව්‍යාපෘති යෝජනා 8 ක් සදහා ඇමෙරිකා ඩොලර් මිලියන 815 ක් ලබාදීමට ආසියා සංවර්ධන බැංකුව සූදානමින් සිටින බව මුදල් අමාත්‍යාංශය පවසනවා.
වරාය පිවිසුම් අධිවේගී මාර්ග ව්‍යාපෘතිය මේ වනවිටත් ක්‍රියාත්මකයි. ඒ වෙනුවෙන් වැය කෙරෙන මුදල ඇමෙරිකා ඩොලර් මිලියන 300 ක්. දුම්රිය සේවය කාර්යක්ෂම කිරීම සදහා පැරණි සංඥා සහ ප්‍රවේශපත් ක්‍රමවේදයන් නවීකරණය කිරීමේ ව්‍යාපෘතිය පිළිබද සාකච්ඡා ලබන මාසයේ දී කොළඹදී පැවැත්වීමට නියමිතයි. එම ව්‍යාපෘතියට වැය කිරීමට අපේක්ෂිත මුදල ඇමෙරිකා ඩොලර් මිලියන 160 ක්. මේ අතර ආසියා සංවර්ධන බැංකුවේ 52 වන වාර්ෂික මහා සභා රැස්වීම මැයි 2 වනදා සිට 5 වනදා දක්වා ෆීජි රාජ්‍යයේදී පැවැත්වෙනවා.
සාර්ක් කලාපීය රටවල මුදල් අමාත්‍යවරුන්ගේ රැස්වීම ද එහිදී පැවැත්වීමට නියමිතයි. එම රැස්වීම්වලට සහභාගිවීම සදහා අමාත්‍ය මංගල සමරවීර මහතා ඇතුළු ශ්‍රී ලංකා දූත පිරිස අද (30) පිටත්ව ගියා.
Post a Comment