නව ශ්‍රී ලංකාවක් වෙනුවෙන් සියලු දෙනා කැපවී කටයුතු කළ යුතු බව අග්‍රාමාත්‍ය රනිල් වික්‍රමසිංහ මහතා පවසනවා. එක්සත් ජාතික පක්‍ෂයේ ආසන සංවිධායකවරුන්ගේ හමුවට එක්වෙමින් අග්‍රාමාත්‍යවරයා මේ බව කියාසිටියා.
එක්සත් ජාතික පක්‍ෂයේ ආසන සංවිධායකවරුන්ගේ හා දිස්ත්‍රික් කළමනාකරුවන්ගේ හමුවක් සිරිකොත පක්‍ෂ මූලස්ථානයේදී අද පැවැත්වුණා. ඒ අග්‍රාමාත්‍ය රනිල් වික්‍රමසිංහ මහතාගේ හා එක්සත් ජාතික පෙරමුණේ ජනාධිපති අපේක්‍ෂක සජිත් ප්‍රේමදාස මහතාගේ ප්‍රධානත්වයෙන්. ඉදිරි ජනාධිපතිවරණ ජයග්‍රහණය සදහා ගත යුතු ක්‍රියාමාර්ග සම්බන්ධයෙන් මෙහිදී සංවිධායකයින් මෙන්ම කළමනාකරුවන් දැනුවත් කෙරුණා. පක්‍ෂයේ මහලේකම් අමාත්‍ය අකිල විරාජ් කාරියවසම්,උප සභාපති අමාත්‍ය රවී කරුණානායක,ජාතික සංවිධායක අමාත්‍ය නවීන් දිසානායක යන මහත්වරුන් මෙන්ම අමාත්‍යවරුන් රැසක් මෙම අවස්ථාවට එක්ව සිටියා.
ලංකා ඉතිහාසයේ වඩාත් සක්‍රීයම ආණ්ඩුව පිහිටුවීමට ඉදිරියේදී කටයුතු කරන බවයි එක්සත් ජාතික පෙරමුණේ ජනාධිපති අපේක්‍ෂක සජිත් ප්‍රේමදාස මහතා මෙහිදී කියාසිටියේ.
The post නව ශ්‍රී ලංකාවක් වෙනුවෙන් සියලු දෙනා කැපවී කටයුතු කළ යුතුයි appeared first on ITN News.
Post a Comment