ජාත්‍යන්තර තලයේ සංවර්ධිත රටක් බවට ශ්‍රී ලංකාව පත් කිරීමට කැපවී කටයුතු කරන බව එක්සත් ජාතික පෙරමුණේ ජනාධිපති අපේක්‍ෂක සජිත් ප්‍රේමදාස මහතා පවසනවා. ඇල්පිටිය ආසන බල මණ්ඩල රැස්වීමට එක්වෙමින් සජිත් ප්‍රේමදාස මහතා මේ බව කියාසිටියා.
ඇල්පිටිය එක්සත් ජාතික පක්ෂ සංවිධායක අමාත්‍ය ගයන්ත කරුණාතිලක මහතාගේ ප්‍රධානත්වයෙන් ආසන බලමණ්ඩල රැස්වීම පැවැත්වුණා. ඇල්පිටිය ප්‍රාදේශීය සභා මැතිවරණයට තරග කරන අපේක්ෂකයන් ඇතුළු විශාල පිරිසක් මෙම අවස්ථාවට එක්ව සිටියා. කොළඹ උද්ඝෝෂණයක නිරතවී සිටින ආබාධිත රණවිරුවන් පිරිසක් මෙම ස්ථානයේදී සජිත් ප්‍රේමදාස මහතා සමග සාකච්ඡාවක නිරත වීම ද විශේෂත්වයක්.
අමාත්‍යවරුන් වන වජිර අබේවර්ධන, පී හැරිසන්,රාජිත සේනාරත්න,අනෝමා ගමගේ,පාර්ලිමේන්තු මන්ත්‍රිවරුන් වන මහාචාර්ය ආශු මාරසිංහ, හිරුණිකා ප්‍රේමචන්ද්‍ර යන මහත්ම මහත්මීන් ඇතුලු විශාල පිරිසක් මෙම අවස්ථාවට එක්ව සිටියා.
The post සංවර්ධිත රටකට සජිත්ගේ ගමන appeared first on ITN News.
Post a Comment