රාජ්‍ය සේවක වෘත්තිය කි‍්‍රයාමාර්ග වලට විසදුම් ලබාදිමේ අරමුණින් කැබිනට් අනු කමිටුව අද රැස්වනවා. කැබිනට් අනු කමිටුව සහ සියලු වෘත්තිය සමිති නියෝජිතයන් අතර සාකච්ඡා අද පස්වරුවේ පැවැත්වෙන බවයි රාජ්‍ය පරිපාලන අමාත්‍ය රංජිත් මද්දුම බණ්ඩාර මහතා ප‍්‍රකාශ කළේ.
රනුක්ගේ වැටුප් කොමිසමේ නිර්දේශ පදනම් කර ගනිමින් පැවැත්වෙන මෙම සාකච්ඡාවට සහභාගි වන ලෙස වෘත්තිය කි‍්‍රයාමාර්ග වලට එක්ව සිටින සියලු වෘත්තිය සමිති නියෝජිතයන්ගෙන් ඉල්ලිමක් කරන බවයි රංජිත් මද්දුම බණ්ඩාර මහතා පවසන්නේ.
වැටුප් ගැටලුව සම්බන්ධයෙන් රජය සාධනිය ප‍්‍රතිචාරයක් දැක්විම සහ තැපැල් ඡන්ද ඉල්ලුම් පත් සහතික කිරිමේ කටයුතු සලකා බලා අද සහ හෙට වෘත්තිය කි‍්‍රයාමාර්ග අත්හිටුවිමට තීරණය කළ බවයි ශි‍්‍ර ලංකා පරිපාලන සේවා සංගමයේ සභාපති ප‍්‍රභාත් චන්ද්‍රකීර්ති මහතා සඳහන් කළේ.
සාකච්ඡාව සාර්ථක වුවහොත් තම වෘත්තිය කි‍්‍රයාමාර්ගය අත්හිටුවිමට සූදානම් බව දුම්රිය ස්ථානාධිපතිවරුන්ගේ සංගමයේ ප‍්‍රධාන ලේකම් ජනක ප‍්‍රනාන්දු මහතා ප‍්‍රකාශ කළා.
The post රාජ්‍ය සේවක වෘත්තිය ගැටලු විසඳීමේ කැබිනට් අනු කමිටුව අද රැස්වෙයි appeared first on ITN News.
Post a Comment