තද ඇඳුම් අඳින පුද්ගලයින්ට හා ප්‍රසිද්ධියේ සිප ගැනීම් සිදු කරන අයට එරෙහිව දඩ පැනවීමට සෞදි අරාබිය තීරණය කර තිබෙනවා.
පොදු විනීතභාවය කඩ කරන්නන්ට එරෙහිවයි මෙලෙස දඩ නියම කිරීම සිදුවන්නේ. වැරදි 19 ක් මේ යටතේ සෞදි රජය ලැයිස්තුගතකර ඇති බවයි විදෙස් වාර්තා සඳහන් කරන්නේ. මෙම නීති සෞදි අරාබියට පැමිණෙන සංචාරකයින් සඳහා ද බලපැවැත්වෙනු ඇති. කාන්තාවන් දණහිසින් පහළට ඇඳුම් ඇඳීම සිදු කළ යුතු අතර උරහිස් ආවරණය කිරීමට ද කටයුතු කළ යුතුයි. අදාළ නීති පද්ධතිය මේ වන විට අන්තර්ජාලයට ද එක්කර තිබෙනවා. සෞදි අරාබියට පැමිණෙන සංචාරකයින් සඳහා විද්‍යුත් වීසා ක්‍රමයක් හා ගුවන්තොටුපොළේදී වීසා ලබා දෙන ක්‍රමයක් ද අලුතින් හඳුන්වා දී ඇති අතර මෙම නීති පද්ධතිය ද ඒ සමඟම එළිදක්වා තිබෙනවා.
The post සෞදියේ තද ඇඳුම් අඳින පුද්ගලයින්ට හා ප්‍රසිද්ධියේ සිප ගැනීම් සිදු කරන අයට දඩ appeared first on ITN News.
Post a Comment