ITN FM ලෝක ළමා දින සැමරුම් උත්සවය මහරගම ජාතික තරුණ සේවා ක්‍රිඩාංගනයේදී හෙට පැවැත්වෙනවා.
ළමුන් සදහා තරග සහ ඉසව් ගණනාවක් ළමා දින සැමරුම් උත්සවයට ඇතුළත්. ශ්‍රී ලංකා බාලදක්ෂ ව්‍යාපාරයයි එය මෙහෙයවනු ලබන්නේ. පාසල් සහ පෙර පාසල් දරුවන්ගේ නර්තන, ගායනා හා රංගන රැසකින් ළමා දින සැමරුම උත්කර්ෂවත් වනවා. ක්‍රීඩා වෛද්‍ය සංගමයේ මෙහෙයවීමෙන් ළමා දිනයට සම්බන්ධ වන සියලු ළමුන්ගේ ශාරීර ස්කන්ධ දර්ශනය, නිවැරදිව දැන ගැනිමට අවස්ථාව ලබා දිමද මෙවර ළමා දින උළලේ විශේෂත්වයක්. ළමුන්ට අවශ්‍ය පෝෂණ උපදෙස් ලබා දීමත් ප්‍රථමාධාර පිලිබද මූලික පුහුණුවක් ලබා දිමත් එහිදි සිදු කෙරෙනවා.
ළමුන් සදහා ආකර්ෂණිය කථා කියාදීමේ කුටියක් ක්‍රියාත්මක විමද මෙවර තවත් විශේෂත්වයක්. ITN FM මාධ්‍ය කුටියේදී ළමුන්ගේ හඩ පරික්ෂණ සිදු කෙරෙනවා. රජරට විශ්ව විද්‍යාලයේ ව්‍යාවහාරික විද්‍යා පිඨයේ දායකත්වයෙන් මත්ද්‍රව්‍ය නිවාරණය පිලිබද දරුවන් සහ වැඩිහිටියන් දැනුවත් කිරිමට ද ළමා දින සැමරුමේදී පියවර ගැනෙනවා. හෙට පෙරවරු 08ට ආරම්භ වන ළමා දින සැමරුමට සමගාමිව ජාතික චිත්‍රපට සංස්ථාවේ අනුග්‍රහයෙන් ඉංග්‍රිසි සහ සිංහල චිත්‍රපට කිහිපයක් ප්‍රදර්ශනයටද සැලසුම් කර තිබෙනවා.
ළමුන් සම්බන්ධ නීතිය පිලිබදව වැඩිහිටියන් දැනුවත් කිරිමේ වැඩමුළු කිහිපයක් නිතිඥවරුන්ගේ දායකත්වයෙන් ක්‍රියාත්මක කිරිමත් මෙවර ITN FM ළමා දින සැමරුමට ඇතුලත්. පරිසරය සහ ළමා අයිතිවාසිකම් සුරකිමේ සංවිධානයේ දායකත්වයෙන් පාරිසරික අන්තර්කරණ අධ්‍යාපන ක්‍රමවේදය පිලිබදව ITN ළමා දිනයට සහභාගිවන ළමුන් සහ වැඩිහිටියන් දැනුවත් කෙරෙනවා. හෙට උදෑසන 7.30සිට මහරගම ආශ්‍රීත ප්‍රදේශ කිහිපයකදී විදී නාට්‍ය මගින් ITN ළමා දින සැමරුම පිලිබදව දැනුවත් කිරිමටයි සැලසුම් කර තිබෙන්නේ.
The post ITN FM ලෝක ළමා දින සැමරුම් උත්සවය හෙට appeared first on ITN News.
Post a Comment