එක්සත් ජාතික පක්ෂයේ දැවැන්තම පරාජය හමුවේ අත්වූ ජාතික ලැයිස්තු මන්ත්රී ධූරයට කිසිවෙකුත් නම් කිරීමට තවමත් පක්ෂය අපොහොසත් වී සිටිනවා. තර්ක විතර්ක විවිධ අදහස් හමුවේ පක්ෂ අභ්‍යන්තර ගැටුම් පමණක් වර්ධනය වෙමින් පවතිනවා.
එක්සත් ජාතික පක්ෂ ජාතික ලැයිස්තු මන්ත්රී ධුරය සඳහා තීරණයක් ගැනීමට කෘත්‍යාධිකාරී මණ්ඩලය අවස්ථා කිහිපයකදී රැස් වුණා. එහෙත් ඒ කිසිඳු අවස්ථාවක අවසන් තීරණයකට පැමිණීමට එක්සත් ජාතික පක්ෂයට නොහැකි වූයේ පක්ෂය තුළ පවතින අර්බුද රැසක් හමුවෙයි. මෙම මන්ත්රී ධුරය මෙන්ම එජාප නායකත්වය සම්බන්ධයෙන්ද දැඩි විවේචන එල්ල වෙමින් පවතිනවා.
මේ අතර හිටපු පාර්ලිමේන්තු මන්ත්රී රුවන් විජයවර්ධන මහතා මල්වතු මහානායක අතිපූජ්‍ය තිබ්බටුවාවේ ශ්‍රී සුමංගල ස්වාමීන්වහන්සේ බැහැදුටුවා. අනතුරුව මාධ්‍ය වෙත අදහස් දැක්වූ විජේවර්ධන මහතා කියා සිටියේ මෙවර මහමැතිවරණයේ දී ජනතාව එක්සත් ජාතික පක්ෂයට අමතක නොවන පාඩමක් කියා දුන් බවයි.
කෙසේ වෙතත් එක්සත් ජාතික පක්ෂය සහ සමඟි ජනබලවේගය අතර පවතින අර්බුදය විසදීමට පක්ෂ නියෝජිතයන්ගේ මැදිහත්වීමක් පවතින බවට දේශපාලන ආරංචි මාර්ග සඳහන් කරනවා. රනිල් වික්‍රමසිංහ මහතා සහ තිස්ස අත්තනායක යන මහත්වරුන් ඒ සම්බන්ධයෙන් ප්‍රබල උත්සාහයක නිරත වෙමින් සිටින බවයි දේශපාලන ආරංචි මාර්ග වාර්තා කරන්නේ.
The post නායකත්වය ගැන කරූ ගොලුවෙද්දී වජිරත් නායකත්වයට සූදානම් appeared first on ITN News.
Post a Comment