ලොව වයස්ගතම විවාහක යුවළ ලෙස ඉක්වදෝරයේ යුවළක් ගිනස් වාර්තා අතරට එක්ව තිබෙනවා.
ජුලියෝ සීසර් මෝරා හා වෝල්ඩුමිනා මැක්ලොවියා විවාහ වී වසර 79 ක් වන බවයි ඔවුන් සඳහන් කරන්නේ. ජුලියෝගේ වයස වසර 110 ක් වන අතර වෝල්ඩුමිනාට වයස වසර 105 සපිරෙන්නේ එළඹෙන ඔක්තෝම්බර් මාසයටයි. මේ වන විට ඔවුන්ගේ වයස්වල එකතුව වසර 214 ක් සහ දින 358 ක් වන අතර ඒ සමඟම ලොව වයස්ගතම විවාහක යුවල ලෙස ගිනස් වාර්තා අතරට එක්ව තිබෙනවා. පාසල් නිවාඩුවක් අතරතුර මුණගැසුණු මොවුන් දෙදෙනා වසර 07 ක ඇසුරකින් පසු විවාහ දිවියට ඇතුළත්ව ඇති බවයි ගිනස් ලෝක වාර්තා කමිටුව සඳහන් කරන්නේ. 1941 වසරේ පෙබරවාරි 07 වන දින ඔවුන් විවාහ දිවියට ඇතුළත්ව ඇති බව වාර්තා වනවා.
The post ගිනස් වාර්තා අතරට එක්වූ ලොව වයස්ගතම විවාහක යුවළ appeared first on ITN News.
Post a Comment