හිටපු අග්‍රාමාත්‍ය රනිල් වික්‍රමසිංහ මහතා සහ එක්සත් ජාතික පක්ෂයේ මහලේකම් අකිල විරාජ් කාරියවසම් මහතා පාස්කු ප්‍රහාරය සම්බන්ධයෙන් සොයා බැලෙන ජනාධිපති කොමිසමේ පොලිස් ඒකකය වෙත සාක්ෂි ලබාදීම සඳහා අද පැමිණියා.
අකිල විරාජ් කාරියවසම් මහතා පෙරවරු 09.40 ට කොමිසම වෙත පැමිණි බවයි අප වාර්තාකරු පවසන්නේ. මීට පෙරද ඒ මහතා පාස්කු ප්‍රහාරය සම්බන්ධයෙන් සොයා බැලෙන ජනාධිපති කොමිසමේ පොලිස් ඒකකය වෙත පැමිණ සාක්ෂි ලබා දුන්නා. මේ වන විටත් ඔවුන් දෙදෙනා කොමිසම වෙත සාක්ෂි ලබා දෙමින් සිටිනවා.
මේ අතර බණ්ඩාරනායක ජාත්‍යන්තර සම්මන්ත්‍රණ ශාලාවේ ජනාධිපති කොමිසම ඉදිරිපිට පුද්ගලයකු උද්ඝෝෂණයක නිරත වනවා. ඒ පාස්කු ප්‍රහාරය සම්බන්ධයෙන් හිටපු අග්‍රාමාත්‍ය රනිල් වික්‍රමසිංහ මහතා අත්අඩංගුවට ගන්නා ලෙස ඉල්ලමින්.
The post රනිල් වික්‍රමසිංහ හා අකිල විරාජ් ජනපති කොමිසමට පැමිණෙයි appeared first on ITN News.
Post a Comment