ඔලිම්පික් උළෙල වෙනුවෙන් සටන් විරාමයක් අනුගමනය කරන්නැයි එක්සත් ජාතීන්ගේ සංවිධානය කරන ඉල්ලීම ජාත්‍යන්තර ඔලිම්පික් කමිටුව පිළිගනී
බෙයිජිං ශීත ඍතු ඔලිම්පික් උළෙලට අදාළ කාලය තුළ ඔලිම්පික් සටන් විරාමයක් අනුගමනය කරන ලෙස විවිධ රටවලින් එක්සත් ජාතීන්ගේ සංවිධානය කරන ඉල්ලීම ජාත්‍යන්තර ඔලිම්පික් කමිටුව පිළිගනී.
76 වන එක්සත් ජාතීන්ගේ මහ සම්මේලනයේ සභාපති Abdulla Shahid මහතා පසුගියදා සියලු සාමාජික රටවලින් ඉල්ලා සිටියේ බෙයිජිං ශීත ඍතු ඔලිම්පික් උළෙල ආරම්භ වීමට පෙර හත්වන දිනයේ සිට පැරාලිම්පික් උළෙල අවසන් වීමෙන් පසු හත්වන දිනය දක්වා කාලය තුළ ඔලිම්පික් සටන් විරාමය අනුගමනය කරන ලෙස ය. ඒ සම්බන්ධයෙන් ජාත්‍යන්තර ඔලිම්පික් කමිටුවේ සභාපති Thomas Bach මහතා පැවසුවේ, එක්සත් ජාතීන්ගේ මහ සම්මේලනයේ සභාපතිවරයාගේ ඉල්ලීම මගින් ඔලිම්පික් උළෙල හා ජාත්‍යන්තර ඔලිම්පික් කමිටුවේ දේශපාලන මධ්‍යස්ථභාවය කෙරෙහි එක්සත් ජාතීන්ගේ සංවිධානයේ අනුග්‍රහය යළි පෙන්නුම් කෙරෙන බවයි. එසේම ජාත්‍යන්තර ඔලිම්පික් කමිටුවේ ආරාධනයට අනුව Abdulla Shahid මහතා බෙයිජිං ශීත ඍතු ඔලිම්පික් උළෙලේ සමාරම්භක උත්සවයට එක්වෙමින් ඔලිම්පික් ගිනිසිළු චාරිකාවට ද සහභාගි වනු ඇත.
The post ඔලිම්පික් උළෙල වෙනුවෙන් සටන් විරාමයක් අනුගමනය කරන්නැයි එක්සත් ජාතීන්ගේ සංවිධානය කරන ඉල්ලීම ජාත්‍යන්තර ඔලිම්පික් කමිටුව පිළිගනී appeared first on ITN News.
Post a Comment