ගෝඨා ගෝ ගම විරෝධතාවට අදට දින පනහක් ගත වීම නිමිත්තෙන් විරෝධතා පාගමනක් පැවැත්වුණා. ඊට විශාල පිරිසක් එක්ව සිටියා.
අරගලයට දින පනහක් සපිරීම වෙනුවෙන් සංවිධාන කළ පාගමන ආරම්භ කෙරුණේ කොල්ලුපිටිය ප්‍රදේශයෙන්. මෙම පිරිස පාගමනින් ජනාධිපති ලේකම් කාර්යාලය ඉදිරිපිටට පැමිණියා. අනතුරුව පාගමනේ පැමිණි විශාල පිරිසක් ලෝටස් පාර ඔස්සේ බැංකු මාවත ඔස්සේ ගමන් කළා. මෙහි දී පාගමනින් පැමිණි විරෝධතාකරුවන් ජනාධිපති මාවතට ඇතුළුවීමට ඉඩනොදී අරගල භූමියේ ම සිටින තරුණ පිරිස් මාර්ගය අවහිර කළා. ඒ අනුව ඔවුන්ට ලෝටස් පාර ඔස්සේ ගමන් කිරීමට ඉඩ සැලසුවා. විරෝධතා පාගමනට සිවිල් සංවිධාන මෙන්ම වෘත්තීය සමිති නියෝජිතයන් පිරිසක් එක්ව සිටිනවා. එමෙන්ම විශ්වවිද්‍යාල සිසුන් ද විරෝධතා පාගමනට සහභාගී වුණා.
The post ගෝඨා ගෝ ගමට දින 50යි – සැමරුමට පාගමනක් appeared first on ITN News.
Post a Comment