පසුගිය නව වෙනිදා සිදු වූ ප්‍රචණ්ඩ ක්‍රියාවන්ට සම්බන්ධ සැකකාරියක අත්අඩංගුවට ගැනීම සදහා පොලිසිය මහජන සහය පතනවා.
මේ අතර පසුගිය 9 වනදා සිදුවූ කළහකාරී සිද්ධිය සම්බන්ධයෙන් මේ වනවිට පුද්ගලයින් එක්දහස් පන්සිය අනූඑක් දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසනවා.
දිවුලපිටිය පොලිස් වසමේදී පාර්ලිමේන්තු මන්ත්‍රීවරයෙකුගේ කාර්යාලයකට පහර දී ගිනි තැබීමේ සිද්ධියකටයි මෙම කාන්තාව අවශ්‍යව ඇත්තේ. මෙම සිදුවීම් සම්බන්ධයෙන් සමාජ මාධ්‍ය ජාලාවල සංසරණය වූ ඡායාරූපවල සිටින කාන්තාව එම කාර්යාලයට පහර දී ගිනි තැබීමට මූලිකත්වය ගෙන ක්‍රියා කරන ආකාරය සටහන්ව තිබෙනවා.
මේ වන විට අදාල කාන්තාව සැගව සිටින බැවින් ඇය අත්අඩංගුවට ගැනීම සදහා සහය වන ලෙසයි පොලිසිය ජනතාවගෙන් ඉල්ලා සිටින්නේ. අදාල තොරතුරු 071 859 4949 සහ 071 419 6609 දුරකථන අංකවලට ලබා දිය හැකියි.
The post 9 වෙනිදා දිවුලපිටිය කැළඹූ කාන්තාව සොයන්න පොලීසිය මහජන සහය පතයි appeared first on ITN News.
Post a Comment