එක්සත් ජාතික පක්ෂ නායක රනිල් වික්‍රමසිංහ මහතා අද පස්වරු හයට ජනාධිපති මන්දිරයේදී නව අග්‍රාමාත්‍යවරයා ලෙස දිවුරුම් දීමට සියලු කටයුතු මේ වනවිට සූදානම් වෙමින් පවතිනවා.
එක්සත් ජාතික පක්ෂ මාධ්‍ය අංශය පවසන්නේ දැනටමත් අදාළ සියලු සාකච්ඡා අවසන් කර ඇති බවයි. රනිල් වික්‍රමසිංහ මහතා ඊයේ රාත්‍රියේ ජනාධිපති ගෝඨාභය රාජපක්ෂ මැතිතුමා හමු වී දීර්ඝ වශයෙන් මේ සම්බන්ධයෙන් සාකච්ඡා කර තිබුණා.
එම අවස්ථාවේදී වික්‍රමසිංහ මහතා පාර්ලිමේන්තුවේ තමන්ට ඇති බහුතරය ද පෙන්වා දී ඇති බවයි වාර්තා වන්නේ. ඒ අනුවයි ඊයේ රාත්‍රියේ මෙම එකගතාවන් ඇතිව තිබෙන්නේ. රනිල් වික්‍රමසිංහ මහතා මීට පෙර අවස්ථා පහකදී මෙරට අග්‍රාමාත්‍ය ධූරයේ කටයුතු කර තිබෙනවා.
The post රනිල් වික්‍රමසිංහ අගමැති ධුරයේ දිවුරුම් දීම පස්වරුවේ appeared first on ITN News.
Post a Comment