එක්සත් ජාතික පක්ෂ නායක රනිල් වික්‍රමසිංහ මහතා නව අග්‍රාමාත්‍යවරයා ලෙස දිවුරුම් දෙයි.
කොළඹ කොටුව ජනාධිපති මන්දිරයේදී මෙම දිවුරුම්දීම සිදුකෙරුණේ ජනාධිපති ගෝඨාභය රාජපක්ෂ මැතිතුමා ඉදිරියේයි.
මහින්ද රාජපක්ෂ මහතා අග්‍රාමාත්‍ය ධූරයෙන් ඉල්ලා අස්වීමත් සමග නව අග්‍රාමාත්‍යවරයෙකු තෝරා පත් කර ගන්නා ලෙසට ජනාධිපති ගෝඨාභය රාජපක්ෂ මැතිතුමා දැනුම් දුන්නා. ඒ අනුව රනිල් වික්‍රමසිංහ මහතා ජනාධිපතිතුමා හමු වී තමන් අග්‍රාමාත්‍ය ධූරය භාර ගැනීමට සූදානම් බවත් ඒ සදහා පාර්ලිමේන්තු බහුතරය තමන්ට පවතින බවත් ඊයේ ප්‍රකාශ කර තිබෙනවා.
ඒ අනුවයි රනිල් වික්‍රමසිංහ මහතා මීට සුළු වේලාවකට පෙර නව අග්‍රාමාත්‍යවරයා ලෙස දිවුරුම් දුන්නේ. සමගි ජනබලවේගයේ මන්ත්‍රීවරුන් පිරිසකගේ සහය ද වික්‍රමසිංහ මහතාට ලැබී තිබෙනවා.
මේ අනුව රනිල් වික්‍රමසිංහ මහතා අග්‍රාමාත්‍ය ධුරයේ අද දිවුරුම් දුන්නේ 6 වන වතාවටයි. මීට පෙර 1993 වසරේ සිට 1994 දක්වාත් 2001 වසරේ සිට 2004 දක්වාත් අග්‍රාමාත්‍ය ධුරය හෙබවූ රනිල් වික්‍රමසිංහ මහතා 2015 ජනාධිපතිවරණයෙන් පසුවද අග්‍රාමාත්‍යවරයා ලෙස කටයුතු කළා.
වික්‍රමසිංහ මහතා 2015 මහ මැතිවරණයෙන් පසු යළිත් අග්‍රාමාත්‍ය ධුරයට පත්වුණා. මහින්ද රාජපක්ෂ මහතා මීටපෙර අග්‍රාමාත්‍ය ධුරයෙන් ඉල්ලා අස්වීමෙන් පසුව ද රනිල් වික්‍රමසිංහ මහතා යළි එම ධුරයට පත්වුණා. නව කැබිනට් මණ්ඩලය ද ඉදිරි දිනයකදී දිවුරුම්දීමට නියමිතයි.
The post රනිල් අගමැති වෙයි appeared first on ITN News.
Post a Comment