කළුතර හීනටියන්ගල ප්‍රදේශයේ නිවසක් තුළ පියෙකු සහ දියණියක සැක කටයුතු අන්දමින් මියගොස් ඇති බව පොලීසිය පවසනවා.
හීනැටිගල සිසිල උයන ප්‍රදේශයේ පදිංචිව සිටි 69 හැවිරිදි පුද්ගලයෙකු සහ 33 හැවිරිදි ඔහුගේ දියණියයි මෙලෙස මියගොස් තිබෙන්නේ. පොලිස් හදිසි ඇමතුම් අංශයට ලැබුණු තොරතුරකට අනුව කළුතර පොලීසිය නිවස පරීක්ෂා කළා. එහිදී පියා පුටුවක් මත සහ දියණිය සාලයේ බිම මියගොස් සිටි බව පොලීසිය පවසනවා.
දෙමව්පියන් සමග මෙම අවිවාහක දියණිය මෙම නිවසේ පදිංචිව සිටි බව සදහන්. කළුතර කොට්ඨාස අපරාධ ස්ථාන පරීක්ෂණාගාර නිලධාරීන් හදිසි මරණ පරීක්ෂණයක් සිදුකිරීමෙන් පසු සිරුරු කළුතර දිස්ත්‍රික් රෝහලට රැගෙන යනු ලැබුවා. පශ්චාත් මරණ පරීක්ෂණය අද සිදුකිරීමට නියමිතයි.
The post පියෙකු සහ දියණියක සැක කටයුතු අන්දමින් මිය යයි appeared first on ITN News.
Post a Comment