පාකිස්ථාන හිටපු අග්‍රාමාත්‍ය ඉම්රාන් ඛාන්ට සහාය දක්වන විරෝධතාකරුවන් විසුරුවා හැරීම සඳහා හමුදාව කැඳවීමට එරට වත්මන් රජය තීරණය කර තිබෙනවා.
පාකිස්තාන හිටපු අග්‍රාමාත්‍ය ඉම්රාන් ඛාන්ට පක්ෂපාති විරෝධතාකරුවන් දහස් ගණනක් විදී බැසීමත් සමඟයි හමුදාව කැඳවා ඇත්තේ. පාකිස්ථානයේ ප්‍රධාන ගොඩනැගිලි ආරක්ෂා කිරීම සඳහා මෙලෙස හමුදාව යොදවන බවයි පාකිස්තාන අභ්‍යන්තර කටයුතු අමාත්‍යවරයා සඳහන් කළේ. කඩිනමින් මැතිවරණයක් පවත්වන ලෙස ඉල්ලමින් විරෝධතාකරුවන් ඉස්ලාමාබාද් අගනුවරට රැස්ව සිටිනවා. විරෝධතාකරුවන් සමඟ හිටපු අග්‍රාමාත්‍යවරයා ද සිටින අතර මැතිවරණයක් ප්‍රකාශයට පත් කරන තුරු ඉස්ලාමාබාද් නුවර පිහිටා ඇති ඩි චොක් චතුරශ්‍රයෙන් ඉවත් නොවන බවයි ඔහු පවසන්නේ. ඉම්රාන් ඛාන්ට එරෙහිව පසුගිය අප්‍රේල් මාසයේ දී විශ්වාසභංග යෝජනාවක් ගෙන එමින් ඔහු ධූරයෙන් ඉවත් කෙරුණා. ඉන් අනතුරුව පාකිස්ථාන මුස්ලිම් ලීගයේ ෂෙබාස් ශරීෆ් පාකිස්තාන නව අගමැති ලෙස දිවුරුම් දුන්නා.
The post ඉම්රාන් ඛාන්ට සහාය දක්වන විරෝධතාකරුවන් විසුරුවා හැරීමට හමුදාව කැඳවයි appeared first on ITN News.
Post a Comment