ඉන්දියාවේ දිල්ලි නගරයට බලපා ඇති සුළි කුණාටු තත්ත්වයක් හේතුවෙන් පුද්ගලයින් දෙදෙනෙකු ජීවිතක්ෂයට පත්ව ඇති බව එරට කාලගුණ දෙපාර්තමේන්තුව නිවේදනය කරනවා.
2018 වසරෙන් පසු ඉන්දියාවේ දිල්ලි නගරයට බලපෑ දරුණුතම සුළි කුණාටුව මෙය බවයි ඉන්දීය කාලගුණ දෙපාර්තමේන්තුව සදහන් කරන්නේ. සුළගේ වේගය පැයට කිලෝමීටර් සියය ඉක්මවා ඇති බවද සදහන්.
ගස් කඩාවැටීම් 300 කට ආසන්න සංඛ්‍යාවක් වාර්තාවන බවයි ආපදා කළමනාකරණ මධ්‍යස්ථානය සදහන් කරන්නේ.
මියගිය පුද්ගලයින් දෙදෙනා අතරිටන් එක් අයෙකු එළිමහනේ සිටියදී අසල නිවසක කොටසක් ඔහු මතට කඩා වැටීමෙන් ජීවිතක්ෂයට පත්ව තිබෙනවා. අනෙක් පුද්ගලයා එළිමහනේ සිටියදී ඔහු මතට ගසක් කඩාවැටීමෙනුයි ඔහු මියගොස් ඇත්තේ. අධික වර්ෂාවත් සමග දිල්ලි නගරයේ උෂ්ණත්වය ද ශීඝ්‍රයෙන් පහළ ගොස් ඇති අතර නගරයේ උෂ්ණත්වය සෙල්සියස් අංශක 13 ක් තරම් පහළ අගයක් ගන්නා බවද සදහන්.
The post දිල්ලි නගරයට බලපා ඇති සුළි කුණාටු තත්වය හේතුවෙන් දෙදෙනෙකු ජීවිතක්ෂයට appeared first on ITN News.
Post a Comment