ඉන්දීය ප්‍රිමියලීග් තරගාවලියේ අවසන් මහා තරගයට සුදුසුකම් ලබා ගැනීමට රාජස්ථාන් රෝයල් කණ්ඩායම සමත් වුණා. ඒ රෝයල් චැලෙන්ජස් බැංගලෝ කණ්ඩායමට එරෙහි පැවති තරගය ජයගනිමින්.
තරගයේ ප්‍රථමයෙන් පන්දුවට පහර දුන් බැංගලෝර් ක්‍රීඩකයන් නියමිත පන්දුවාර විස්ස අවසානයේ කඩුලු අටක් දැවී ලකුණු 157ක් රැස් කළා. රජට් පටිඩාර් ලකුණු 58යි. පන්දු යැවීමේ දී ප්‍රසිද් ක්‍රිෂ්ණා හා ඔබෙඩ් මැකෝයි කඩුලු 3 බැගින් බිද හෙලුවා. පිළිතුරු ඉනිම ක්‍රිඩා කල රාජස්ථාන් ක්‍රීඩකයන් පන්දුවාර 18යි එක් පන්දුවක් අවසානයේ කඩුලු තුනක් පමණක් දැවී තිබිය දී ජයග්‍රාහී ඉලක්කය පසු කළා. විශිෂ්ට ඉනිමක් ක්‍රීඩා කල ජොස් බට්ලර් පන්දු හැටක දී නොදෙවී ලකුණු 106ක් රැස් කළා. ඔහු මෙම තරගාවලයේ දී රැස් කළ හතරවන ශතකය මෙයයි. වනිදු හසරන්ග ලකුණු 26කට එක් කඩුල්ලක් දවාගත් අතර ඔහු මේ වන විට තරගාවලියේ වැඩිම කඩුලු ලාභියා වනවා.
තරගාවලිය අවසන් මහා තරගය රාජස්ථාන් රෝයල් කණ්ඩායම හා ගුජරාට් ටයිටන්ස් කණ්ඩායම අතර හෙට පැවැත්වීමට නියමිතයි.
The post රාජස්ථාන් රෝයල් IPL අවසන් මහා තරගයට appeared first on ITN News.
Post a Comment