චීන ජනාධිපති ආර්යා පන්ග් ලියුවාන් මහත්මිය ඊයේ (26) බෙයිජිංහි දී ඉන්දුනීසියානු ජනාධිපති ආර්යා Iriana Joko Widodo මහත්මිය හමුවූවාය.
චීනය සහ ඉන්දුනීසියාව එකිනෙකාට වැදගත් අසල්වැසියන් බවත්, දෙරට අතර මිත්‍රත්වයට දිගු ඉතිහාසයක් ඇති බවත් පන්ග්ලියුවාන් මහත්මිය පැවසුවාය. මෑත වසරවලදී, දෙරට අතර සබඳතා වඩාවඩාත් සමීපවී ඇති අතර පුද්ගල හුවමාරුව ද ඉතා සක්‍රීයවී ඇත. චීන සංචාරකයින් කැමැත්ත දක්වන දෙවන විශාලතම සංචාරක ගමනාන්තය ඉන්දුනීසියාවයි. අදාළ ක්ෂේත්‍රවල දෙපාර්ශ්වය අතර හුවමාරු තවදුරටත් පුළුල්වනු ඇතැයි අපේක්ෂා කරන බව චීන ජනාධිපති ආර්යාව පැවසුවාය.
බෙයිජිංහිදී පැරණි මිතුරන් නැවත දැකීම ගැන තමා ඉතා සතුටට පත්වූ බවත්, තමන් වෙත දැක්වූ උණුසුම් පිළිගැනීමට ජනාධිපති ෂී ජින්පිං මහතා සහ ජනාධිපති ආර්යා පන්ග්ලියුවාන් මහත්මිය වෙත ස්තුතිය පළකරන බවත් Iriana Joko Widodo මහත්මිය පැවසුවාය. එමෙන්ම, වැඩි චීන සංචාරකයින් ඉන්දුනීසියාවට පිළිගන්නා බවත් ඉන්දුනීසියාව සහ චීනය අතර දිගු කාලීන මිත්‍රත්වයතවත් ශක්තිමත් වනු ඇතැයිද ඇය ප්‍රාර්ථනා ක‍ළාය.
චීන සංගීත සංරක්ෂණාගාරයේ ගුරුවරුන් සහ සිසුන් ඉදිරිපත් කළ ජන සංගීත සංදර්ශනයක්ද දෙරටේ ආර්යාවන් විසින් රසවිඳින ලදි.
The post චීන ජනාධිපති ආර්යාව හා ඉන්දුනීසියානු ජනාධිපති ආර්යාව අතර හමුවක් බෙයිජිං හිදී appeared first on ITN News.
Post a Comment