පාකිස්තානයේ බස් රථයක් හා ඉන්ධන ප්‍රවාහන රථයක් එකිනෙක ගැටීමෙන් හටගත් ගින්නකින් පුද්ගලයින් 20 දෙනෙකු ජීවිතක්ෂයට පත්වුණා.
පාකිස්තානයේ පන්ජාබ් ප්‍රාන්තයේ අධිවේගී මාර්ගයකයි මෙම අනතුර සිදුව ඇත්තේ.
අනතුර සිදුවන අවස්ථාවේ බස් රථයේ මගීන් 24 දෙනෙකු ගමන් කර ඇති බවයි පොලීසිය සඳහන් කරන්නේ.
වේගය පාලනය කරගත නොහැකි වූ බස් රථය, ඉන්ධන ප්‍රවාහන රථයේ පිටුපස ගැටී තිබෙනවා.
ඒ සමගම ගින්නක් හටගත් බවයි වාර්තා වන්නේ. කෙසේ වුවද අනතුරෙන් පසුව ඉන්ධන ප්‍රවාහන රථයේ රියදුරු පළාගොස් ඇති බවද සදහන්.
මියගිය ඇතැම් අයගේ සිරුරු හදුනාගත නොහැකි ලෙස පිළිස්සී ඇති බව රෝහල් ආරංචි මාර්ග සදහන් කරනවා.
අනතුරෙන් පුද්ගලයින් 6 දෙනෙකු දිවි ගලවාගෙන ඇති අතර ඔවුන්ද දැඩි පිළිස්සුම් තුවාල ලබා තිබෙනවා.
The post පාකිස්තානයේ මාරක රිය අනතුරකින් 20 දෙනෙකු ජීවිතක්ෂයට appeared first on ITN News.
Post a Comment