රන්මාල කොල්ලකෑමේ සිද්ධියක් සම්බන්ධයෙන් පොලිස් අත්අඩංගුවේ සිටි සැකකරුවෙකු මියගොස් තිබෙනවා.
මිල්ලතේ ප්‍රදේශයේ තාන්තාවකගේ ගෙල බැදි රන් මාලයක් කොල්ලකෑමේ සිද්ධියක් සම්බන්ධයෙන් පොලීසියට ලැබුණු පැමිණිල්ලක අනුව මෙම සැකකරු අත්අඩංගුවට ගැණුනේ පසුගිය 26 වනදා රාත්‍රියේයි. 27 හැවිරිදි සැකකරු කිරිදිවැල ප්‍රදේශයේ පදිංචිකරුවෙක්. මෙම සැකකරුගෙන් දීර්ඝ ලෙස ප්‍රශ්න කිරීම් සිදුකෙරුණු අතර රන්මාල කොල්ලකෑම සම්බන්ධයෙන් තවත් සැකකරුවෙකු පිළිබද ඔහු තොරතුරු හෙලිකර තිබෙනවා.
එම සැකකරු හදුනා ගැනීමට පොලිස් නිලධාරීන් දෙදෙනෙකු සමග අදාල සැකකරු යතුරුපැදියකින් රැගෙන ගිය බවයි පොලීසිය පවසන්නේ. එසේ ගමන් කරමින් සිටියදී සැකකරු යතුරුපැදිය පදවාගෙන ගිය පොලිස් නිලධාරියාගේ ගෙල සිරකර පැනයාමට උත්සාහ දැරීමත් සමග අසල තිබූ ඇළ මාර්ගයකට යතුරුපැදිය පෙරළී තිබෙනවා.
එහිදී සැකකරු තුවාල ලබා රදාවාන රොහලට ඇතුළත් කිරීමෙන් පසු මියගොස් ඇති බවයි පොලීසිය පවසන්නේ. තුවාල ලැබූ පොලිස් නිලධාරීන් දෙදෙනා තවදුරටත් ප්‍රතිකාර ලබනවා.
The post පොලිස් අත්අඩංගුවේ සිටි සැකකරුවෙකු මිය යයි appeared first on ITN News.
Post a Comment