රට පුරා ඇති වූ ගංවතුර තත්වයෙන් පසු පාකිස්ථානය ජාත්‍යන්තර ආධාර ඉල්ලා තිබුණා.
පාකිස්ථානය පුරා ඇතිව තිබෙන දරුණු ගංවතුර තත්වය හේතුවෙන් රට පුරා හදිසි තත්වයක් ප්‍රකාශ කිරීමට පකිස්තාන රජය ඊයේ දිනයේ කටයුතු කළා. ගංවතුර හේතුවෙන් ජූනි මාසයේ සිට මිය ගිය සංඛ්‍යාව දහස ඉක්මවා තිබෙනවා. ඊට අමතරව මිලියන ගණනක් ජනතාව අවතැන්ව තිබෙනවා.
පාකිස්ථානයේ වයඹ දෙසටයි මෙම ගංවතුර තත්වය වැඩිපුරම බලපා ඇත්තේ. එසේම පාකිස්ථානයේ ගිණිකොන දෙසින් පිහිටි සින්ද් පළාතට ද ගංවතුරෙන් දැඩි බලපෑමක් එල්ල වී තිබෙනවා. පාකිස්ථානය ආර්ථික අර්බුදයකට මේ වන විට ගංවතුර තත්වය හේතුවෙන් තවදුරටත් ප්‍රශ්න රැසකට මුහුණ පා සිටිනවා.
මේ හේතුවෙන් පාකිස්ථාන අභ්‍යන්තර කටයුතු අමාත්‍යාංශය, එක්සත් ජනපදය, එක්සත් අරාබි එමීර් රාජ්‍ය, බ්‍රිතාන්‍ය ඇතුළු රටවල්වලින් අරමුදල් ඉල්ලා තිබෙන බව නිවේදනය කර තිබෙනවා.
The post ගංවතුර තත්වයෙන් පසු පාකිස්ථානය ජාත්‍යන්තර ආධාර ඉල්ලයි appeared first on ITN News.
Post a Comment