රුසියාවේ ඉෂෙවුස්ක් ප්‍රදේශයේ පාසලක් ඉලක්ක කරමින් සිදුවූ වෙඩි තැබීමෙන් මියගිය සංඛ්‍යාව 17 දක්වා ඉහළ ගොස් තිබෙනවා.
මියගිය පිරිස අතරට පාසල් සිසුන් 11 දෙනෙකු ඇතුළත්. වැඩිහිටි පුද්ගලයින් 4 දෙනෙකු ජීවිතක්ෂයට පත්ව ඇති අතර දෙදෙනෙකු ආරක්ෂක නිලධාරීන් හා අනෙක් දෙදෙනා ගුරුවරුන් වනවා. තවත් පුද්ගලයින් 24 දෙනෙකු තුවාල ලබා රෝහල් ගතකර ඇති බවයි වාර්තා වන්නේ. වෙඩි තැබීම සිදුකළ පුද්ගලයා එම පාසලේ ආධි ශිෂ්‍යයෙකු වන අතර ඔහු සියදිවි හානිකරගෙන ඇති බව ආරක්ෂක අංශ සදහන් කරනවා. වෙඩි තැබීම සිදුවන අවස්ථාවේ පාසල් සිසුන් දිවයන ආකාරය සමාජ මාධ්‍ය වාර්තා කළා. එම පාසලේ සිසුන් දහසක් පමණ ඉගෙනුම ලබන බවයි වාර්තා වන්නේ.
The post රුසියාවේ පාසලක සිදුවූ වෙඩි තැබීමෙන් මියගිය සංඛ්‍යාව 17 දක්වා ඉහළට appeared first on ITN News.
Post a Comment