සිරියාවේ ඩැමස්කස් ගුවන්තොටුපොලට ඊශ්‍රායලය එල්ල කළ ගුවන් ප්‍රහාරයකින් පුද්ගලයන් 5 දෙනෙකු ජීවිතක්ෂයට පත්ව ඇති බව ඊශ්‍රායලය නිවේදනය කළා.
ඉරාන හමුදා ඉලක්ක කර ගනිමින් මෙම ප්‍රහාර එල්ලකරන බවයි ඊශ්‍රායලය ප්‍රකාශ කර තිබුණේ. ඩැමස්කස් අන්තර්ජාතික ගුවන්තොටුපොලට මෙන්ම අගනගරයෙන් දකුණු දිගට වන ස්ථානයකට ද ගුවන් ප්‍රහාරයක් එල්ල කිරීමට ඊශ්‍රායල හමුදා කටයුතු කර තිබුණා.
මෙම ප්‍රහාරයෙන් පසු ගුවන් ගමන්වලට බලපෑමක් සිදුවී ඇත්ද යන්න සම්බන්ධයෙන් මෙතෙක් සිරියා රජය පැහැදිලි කිරීමක් සිදුකර නැහැ. සිරියාවේ ගුවන්තොටුපොල භාවිත කරමින් ඊශ්‍රායලයට විරුද්ධ කණ්ඩායම් සදහා අවි ආයුධ සැපයීමට ඉරානය කටයුතු කරන බවටයි ඊශ්‍රායලය චෝදනා කරන්නේ.
The post ඩැමස්කස් ගුවන්තොටුපොලට ඊශ්‍රායලය එල්ල කළ ගුවන් ප්‍රහාරයකින් 5 දෙනෙකු ජීවිතක්ෂයට appeared first on ITN News.
Post a Comment