ඉරාන ආරක්ෂක අංශ හා විරෝධතාකරුවන් අතර හටගත් ගැටුම්වලින් පුද්ගලයින් 76 දෙනෙකු පමණ ජීවිතක්ෂයට පත්ව තිබෙනවා.
ඉරාන පොලිසිය භාරයේ සිටියදී විසිදෙහැවිරිදි කාන්තාවක් පසුගිය 17 වනදා ජීවිතක්ෂයට පත්වීමට විරෝධය පළකරමින් එරට උද්ඝෝෂණ ආරම්භ වුණා.
එම කාන්තාව තම හිසකෙස් ආවරණය වන පරිදි හිජාබය පැළද නොසිටීම හේතුවෙනුයි පොලීසිය අත්අඩංගුවට ගෙන ඇත්තේ.
දින තුනක් රෝහල්ගතව කෝමා තත්ත්වයෙන් සිටියදී ඇය ජීවිතක්ෂයට පත්වුණා.
ඇය ජීවිතක්ෂයට පත්වීමට විරෝධය පළකරමින් ආරම්භ වූ උද්ඝෝෂණ අඛණ්ඩව 12 වන දිනටත් ක්‍රියාත්මකයි.
විරෝධතාකරුවන් විසුරුවා හැරීමට ඉරාන පොලීසිය ජීව උණ්ඩ යොදා ගනිමින් වෙඩි තැබීම් සිදුකළ බවට මානව හිමිකම් සංවිධාන චෝදනා කරනවා.
පුද්ගලයින් සිය ගණනක් අත්අඩංගුවට ගෙන ඇති අතර අත්අඩංගුවට පත් පිරිස අතරින් 20 දෙනෙකු මාධ්‍යවේදීන් බවයි වාර්තා වන්නේ.
ඉරානයේ නගර 80 ක් පුරා මේ වනවිට විරෝධතා ක්‍රියාත්මකයි.
The post ඉරානයේ ගැටුම්වලින් 76 දෙනෙකු ජීවිතක්ෂයට appeared first on ITN News.
Post a Comment