පාකිස්තානයේ හිටපු අග්‍රාමාත්‍ය ඉම්රාන් ඛාන්ට එරෙහිව ඉදිරිපත් කර ඇති ත්‍රස්තවාදී චෝදනා ඉවත් කරන ලෙස එරට මහාධිකරණය නියෝග කර තිබෙනවා.
හිටපු අග්‍රාමාත්‍ය ඉම්රාන් ඛාන් පසුගියදා පාකිස්තානයේ කාන්තා විනිසුරුවරියකට හා ජ්‍යෙෂ්ඨ පොලිස් නිලධාරීන්ට එරෙහිව සිදුකළ ප්‍රකාශයක් සම්බන්ධයෙනුයි ඔහුට ත්‍රස්තවාදී චෝදනා එල්ලවූයේ. ඉස්ලාමාබාද් නුවර පැවති රැළියක දී ඉම්රාන් ඛාන් ඔහුගේ ප්‍රධානතම සහායකයෙකු වන ශබාෂ් ගිල් අත්අඩංගුවට ගැනීමට විරෝධය පළකරමිනුයි එම ප්‍රකාශය සිදුකළේ. පාකිස්තාන ත්‍රස්තවාදය වැළැක්වීමේ පනත යටතේ ත්‍රස්තවාදී චෝදනා එල්ල වූ පුද්ගලයෙකුට ජීවිතාන්තය දක්වා සිර දඩුවම් නියම කිරීමේ හැකියාවක් පවතිනවා. කෙසේ වුවද හිටපු අග්‍රාමාත්‍යවරයාට එරෙහිව එල්ල කර ඇති ත්‍රස්තවාදී චෝදනා ඉවත් කරන ලෙස ඊයේ එරට මහාධිකරණය නියෝග කළා.
The post ඉම්රාන් ඛාන්ට එල්ල වූ ත්‍රස්තවාදී චෝදනා ඉවත් කිරීමට පකිස්ථාන් මහාධිකරණයෙන් නියෝග appeared first on ITN News.
Post a Comment