මෙරට මුහුදු සීමාවට අනවසරයෙන් ඇතුලු වූ ඉන්දීය ධීවරයින් 08 දෙනෙකු සමඟ ධීවර යාත්‍රාවක් නාවික හමුදාව අත්අඩංගුවට ගත්තා.
උතුරු මුහුදේ සිදු කළ විශේෂ මෙහෙයුමකදී කරෙයි නගර් කෝවිලන් ප්‍රදීපාගාරයට ඔබ්බෙන් වූ මුහුදු ප්‍රදේශයේ නාවික හමුදාව සෝදිසි මෙහෙයුමක් සිදු කළා. එහිදී අනවසර ධීවර කටයුතුවල නිතර ඉන්දීය ධීවර යාත්‍රා රැසක් නිරීක්ෂණය කළ අතර ඒවා මෙරට මුහුදු සීමාවෙන් ඉවත් කිරීමට නාවික හමුදාව පියවර ගත්තා. එහිදී නීති විරෝධී ලෙස ධීවර කටයුතුවල නිරත වෙමින් සිටි ඉන්දීය ධීවර යාත්‍රාවක් සහ එහි සිටි ධීවරයින් 08 දෙනෙකු අත්අඩංගුවට ගැනුනා. එම යාත්‍රාව සහ ධීවරයින් කන්කසන්තුරය වරාය වෙත රැගෙන ඒමෙන් පසු නීතිමය කටයුතු සදහා යාපනය මයිලඩි ධීවර පරික්ෂක කාර්යාලයට භාරදී තිබෙනවා.
The post ඉන්දීය ධීවරයින් 08 දෙනෙකු සමඟ ධීවර යාත්‍රාවක් නාවික හමුදා භාරයට appeared first on ITN News.
Post a Comment