රුසියා පාලනයේ පවතින යුක්‍රේනයේ කර්සන් ප්‍රදේශයේ තත්ත්වය ඉතාමත් බරපතල බව රුසියා ආරක්ෂක අංශ සඳහන් කරනවා.
පසුගිය පෙබරවාරි මාසයේ දී රුසියාව යුක්‍රේනයේ යුධ මෙහෙයුම් ආරම්භ කිරිමෙන් පසුව අත්පත් කර ගත් පළමු යුක්‍රේන නගරය ලෙස කර්සන් හැඳින්විය හැකියි.
කෙසේ වුව ද මේ වන විට කර්සන් නගරයේ ගැටුම් දරුණු අතට පත්ව ඇති බව යුක්‍රේනයේ රුසියා හමුදා ප්‍රධානි ජනරාල් සර්ජි සර්විකන් සඳහන් කරනවා.
යුක්‍රේන හමුදාව නගරයේ ගොඩනැගිලි හා නිවාස ඉලක්ක කර ගනිමින් රොකට් ප්‍රහාර එල්ල කරන බවයි ඔහු පවසන්නේ.
නගර වාසීන් ආරක්ෂිත ස්ථාන කරා යොමු කිරිමකින් තොරව ප්‍රතිප්‍රහාර එල්ල කිරිම අපහසු බව ජනරාල්වරයා පෙන්වා දෙනවා.
ඉතා ඉක්මනින් යුක්‍රේන හමුදාව නගරයට දැවැත්න ප්‍රහාරයක් එල්ල කිරිමේ අවදානමක් පවතින අතර ඉන් සමාන්‍ය ජනතාව විශාල සංඛ්‍යාවක් මිය යාමේ හැකියාවක් පවතින බවටයි ඔහු අනතුරු අඟවන්නේ.
The post යුක්‍රේනයේ කර්සන්හි බලය යළි ලබා ගැනීමට රුසියාවට එරෙහිව යුක්‍රේනයෙන් දරුණු සටන් appeared first on ITN News.
Post a Comment