රට ගොඩනැගීමට ස්ථාවරව හා සාමූහිකව කටයුතු කළ යුතු බව බ්‍රිතාන්‍යයේ අග්‍රාමාත්‍ය ධුරයට පත්වීමට නියමිත රිෂී සුනක් පවසනවා.
බ්‍රිතාන්‍ය දැනට මුහුණ දී සිටින ආර්ථික අර්බුදයට සාර්ථකව මුහුණදීමට නම් එක්ව කටයුතු කළ යුතු බවයි රිෂී සුනක් පෙන්වා දෙන්නේ. කන්සවේටිව් පක්ෂ නායකත්වයට ඊයේ දිනයේ දී ඔහු තේරී පත්වූ අතර ඒ සමගම බ්‍රිතාන්‍ය අග්‍රාමාත්‍ය ධුරයට ද සුදුසුකම් ලබනවා. පක්ෂ නායකත්වයට පත්වීනේ පසු පළමුවරට මාධ්‍ය අමතමින් ඔහු සදහන් කළේ තමාගේ ප්‍රමුඛත්වය හිමිවන්නේ රටට සහ පක්ෂයට බවයි. වසර 200 කට පමණ පසු බ්‍රිතාන්‍ය අග්‍රාමාත්‍ය ධුරයට පත්වන ලාබාලතම පුද්ගලයා ලෙසයි රිෂී සුනක් සැලකෙන්නේ. හතලිස් දෙහැවිරිදි වියේ පසුවන ඔහු හින්දු භක්තිකයෙක් ද වනවා. තුන්වන චාල්ස් රජුගේ අනුමැතියෙන් පසුව බොහෝ දුරට අද දිනයේ දී ඔහු බ්‍රිතාන්‍ය අග්‍රාමාත්‍ය ධුරයේ වැඩ භාරගනු ඇති බවටයි බීබීසී පුවත් සේවය වාර්තා කරන්නේ.
The post රට ගොඩනැගීමට ස්ථාවරව හා සාමූහිකව කටයුතු කළ යුතු බව බ්‍රිතාන්‍ය නව අගමැති කියයි appeared first on ITN News.
Post a Comment