ඕනෑම මොහොතක න්‍යෂ්ටික යුද්ධයක් ඇති වීමේ අවධානමක් පවතින බවට බටහිර රටවල් අවබෝධ කරගත යුතු බව රුසියා විදේශ අමාත්‍යවරයා පවසනවා.
හටගන්නා ඕනෑම තර්ජනයකට රුසියාව න්‍යෂ්ටික ප්‍රතිචාර දැක්විමට සුදානම් බව ඇමෙරිකාව හා නේටෝ සංවිධානය සිහියේ තබාගත යුතු බවටයි රුසියා විදේශ අමාත්‍යවරයා අනතුරු අඟවන්නේ.
එබැවින් න්‍යෂ්ටික ගැටුමක් ඇති වීම වැළැක්වීමට ඔවුන් කටයුතු කළ යුතු බව ද සර්ජී ලැව්රෝෆ් පෙන්වා දෙනවා.
රුසියා ජනාධිපති ව්ලැඩිමිර් පුටින් ඊයේ දිනයේ දී එරට ආරක්ෂක අංශ ප්‍රධානීන් හමුවී විශේෂ සාකච්ඡාවක් පැවැත්වීමෙන් අනතුරුවයි විදේශ අමාත්‍යවරයා මේ බව සඳහන් කළේ.
යුක්‍රේනය යුද මෙහෙයුම් ආරම්භ කිරීමෙන් අනතුරුව රුසියාව තම න්‍යෂ්ටික බලය ඉහළ නැංවීමට පියවර ගෙන ඇති බව ද සඳහන්.
එමෙන්ම යුක්‍රේනය මැඩපැවැත්වීමට රුසියාව න්‍යෂ්ටික අවි යොදා ගත යුතු බවට පසුගිය මාසයේ දී එරට හිටපු ජනාධිපති දිමිත්‍රි මෙද්වදේෆ් සඳහන් කළා.
The post ඕනෑම තර්ජනයකට රුසියාව න්‍යෂ්ටික ප්‍රතිචාර දැක්වීමට සූදානම් – රුසියා විදේශ අමාත්‍ය appeared first on ITN News.
Post a Comment