ඉන්දීය හමුදා ඛණ්ඩ තම රටෙන් ඉවත් කර ගන්නා ලෙස මාලදිවයින ,ඉන්දියාවට දැනුම් දී තිබෙනවා.
සියලු ඉන්දීය හමුදා භට ඛණ්ඩයන් මාර්තු 15 වනදා වන විට මාලදිවයිනෙන් ඉවත් කර ගන්නා ලෙසයි දැනුම් දී ඇත්තේ.
පසුගිය වසරේ පැවති ජනාධිපතිවරණයෙන් චීන හිතවාදී මොහොමඩ් මුයිසු ජයග්‍රහණය කිරීමත් සමග ඉන්දියාව හා මාලදිවයින අතර මතවාදී ගැටුම් හටගත්තා.
පසුගිය සති කිහිපය තුළ දී එම මත ගැටුම් උග්‍ර අතට හැරී තිබෙනවා.
චීන හා මාලදිවයින් ජනාධිපතිවරුන් අතර විශේෂ හමුවක් පසුගිය දා පැවති අතර ඉන් අනතුරුව පසුගිය ඉරිදා ඉන්දියාවේ හා මාලදිවයිනේ ඉහළ පෙළේ නිලධාරීන් අතර සාකච්ඡාවක් ද පැවැත්වුණා.
ඉන් අනතුරුවයි මෙම තීරණය ගෙන ඇත්තේ.
80 දෙනෙකුගෙන් පමණ සමන්විත ඉන්දීය භට ඛණ්ඩයක් මේ වන විට මාලදිවයින තුළ සේවයේ නිරත වනවා.
The post හමුදා ඛණ්ඩ තම රටෙන් ඉවත් කර ගන්න – මාලදිවයින ,ඉන්දියාවට කියයි appeared first on ITN News.
Post a Comment