ගාසා තීරයේ යුද මෙහෙයුම් සම්බන්ධයෙන් ඊශ්‍රායල අග්‍රාමාත්‍ය බෙන්ජමින් නෙතන්යාහු හා ඇමෙරිකා ජනාධිපති ජෝ බයිඩ්න් අතර මතභේදාත්මක ගැටුම් හටගෙන තිබෙනවා.
ඊශ්‍රායලය ගාසා තීරයේ රෆා ප්‍රදේශය ඉලක්ක කර ගනිමින් යුද මෙහෙයුම් දියත් කිරීමත් සමඟ ඊශ්‍රායලයට ජාත්‍යන්තර සහාය අහිමි වීමේ අවධානමක් පවතින බවට ඇමෙරිකා ජනාධිපතිවරයා අනතුරු අඟවවා.
ඊශ්‍රායලය හා හමාස් සංවිධානය අතර හැකි ඉක්මනින් සටන් විරාමයක් ක්‍රියාත්මක කිරීමට පියවර ගන්නා බවයි ජෝ බයිඩ්න් තවදුරටත් සඳහන් කළේ.
කෙසේ වුව ද ඊශ්‍රායල අග්‍රාමාත්‍යවරයා සඳහන් කරන්නේ ඇමෙරිකා ජනතාවගෙන් 80%කට වැඩි ප්‍රතිශතයක සහාය තමන්ට හිමි බවයි.
ඊශ්‍රායලය හමාස් සංවිධානයට එරෙහිව සිදුකරන යුද මෙහෙයුම් සඳහා ජාත්‍යන්තර ප්‍රජාවගේ සහාය නොඅඩුව හිමිවන බව ද ඔහු ප්‍රකාශ කරනවා.
The post ඊශ්‍රායල සහ ඇමෙරිකාව අතර මතභේදාත්මක තත්ත්වයක් appeared first on ITN News.
Post a Comment