හිටපු ඉන්දීය අග්‍රාමාත්‍ය රජිව් ගාන්ධි මහතා ඝාතනය කිරීමේ සිද්ධියේ වරදකරු වූ ශාන්තන් නමැත්තා ඉන්දියාවේදී මියගියා.
මරාගෙන මැරෙන බෝම්බ කාරියක යොදවමින් හිටපු ඉන්දීය අග්‍රාමාත්‍ය රජිව් ගාන්ධි මහතා ඝාතනය කිරීමේ සිද්ධියේ නඩු විභාගය ඉන්දියාවේදී පැවැත්වුණා.
යාපනයේ පදිංචි ශාන්තන් නමැත්තා එම සිද්ධියේ වරදකරු කරමින් ඔහු බන්ධනාගාර ගත කෙරුණා.
පසුව එරට රජයේ අනුමැතියෙන් ශාන්තන් නිදහස් කිරීමටයි පියවර ගැණුනේ.
ඔහුගේ මව ඉන්දීය රජයට ඉදිරිපත් කළ අභියාචනය ද මේ සදහා බලපා තිබෙනවා.
වසර 32කට පසු සිය මව බැලීමට යාපනයට පැමිණීම සදහා ශාන්තන්ට චෙන්නායිහි පිහිටි ශ්‍රී ලංකා නියෝජ්‍ය මහ කොමසාරිස් කාර්යාලය මගින් විදෙස් ගමන් බලපත්‍රයක් ද සකස් කර දී ඇති බවයි වාර්තා වන්නේ.
කෙසේ වුවද අක්මා රෝගයක් හේතුවෙන් රජිව් ගාන්ධි රෝහලේ ප්‍රතිකාර ලබමින් සිටියදී ශාන්තන් මියගියා.
The post රජිව් ඝාතනයේ ශාන්තන් මියයයි appeared first on ITN News.
Post a Comment