දේශගුණික විපර්යාස හේතුවෙන් නොමේරු දරු උපත් සංඛ්‍යාව භයානක ලෙස ඉහළ යා හැකි බවට විද්‍යාඥයින් අනතුරු අඟවනවා.
ගෝලීය උෂ්ණත්වය ඉහළ යාමෙන් ඇති වන අධික උෂ්ණත්වයත් සමග නොමේරු දරු උපත් අවදානම 60%කින් පමණ ඉහළ යා හැකි බවයි ඕස්ට්‍රේලියානු විද්‍යාඥයින් කණ්ඩායමක් සඳහන් කරන්නේ.
ලොවපුරා රටවල් රැසක සිදු කළ සෞඛ්‍ය අධ්‍යයනයන් 163ක් පාදක කර ගනිමින් ඔවුන් මේ බව සඳහන් කරනවා.
වර්තමානයේ ගෝලීය ජනගහනයෙන් මිලියන 600ක් ජිවත් වන්නේ මානව වර්ගයාගේ පැවැත්ම සඳහා සුදුසු උෂ්ණත්වයට වඩා ඉහළ උෂ්ණත්වයක් පවතින කලාපවලයි.
මෙම සියවස අවසන් වන විට එම සංඛ්‍යාව බිලියන 3ක් පමණ වනු ඇති බවටයි ඔවුන් අනාවැකි පළ කරන්නේ.
එමෙන්ම අධික උෂ්ණත්වයත් සමඟ අඩු උපත් බර / ගර්භනි වයස වෙනස්වීම / නොමේරු පටල විනාශ වීම හා ගැබ්ගැනීම් අඩුවීම වැනි සංකුලතා ද ඇති විය හැකි බව එම විද්‍යාඥයින් කණ්ඩායම පෙන්වා දෙනවා.
The post නොමේරු දරු උපත් සංඛ්‍යාව ඉහළ යා හැකි බවට විද්‍යාඥයින් අනතුරු අඟවයි appeared first on ITN News.
Post a Comment