උතුරු ඇෆ්ගනිස්ථානයට ඇදහැලෙන ධාරානිපාත වර්ෂාවත් සමග ඇතිවූ ගංවතුරෙන් පුද්ගලයින් 153 දෙනෙකු මියගොස් තිබෙනවා.
උතුරු ඇෆ්ගනිස්ථානයේ පළාත් තුනක තුවාල ලැබූවන්ගේ සංඛ්‍යාව 200කට ආසන්න විය හැකි බවයි වාර්තා වන්නේ.
කෙසේ වෙතත් එක්සත් ජාතීන්ගේ ලෝක ආහාර වැඩසටහන පවසන්නේ ගංවතුර හේතුවෙන් දරුණුතතම ලෙස බලපෑමට ලක්ව ඇත්තේ බග්ලාන් පළාතේ පුද්ගලයින් බවයි.
එම පළාතේ පුද්ගලයින් විශාල පිරිසක් මියගොස් ඇති බවට විශ්වාස කෙරෙන අතර නිවාස දහසකට වැඩි සංඛ්‍යාවක් විනාශ වී ඇති බවටයි ජගත් ලෝක ආහාර වැඩසටහන පෙන්වා දෙන්නේ.
පසුගිය සිකුරාදා සිට උතුරු ඇෆ්ගනිස්ථානයට ධාරානිපාත වැසි ඇදහැලෙමින් පවතිනවා.
The post උතුරු ඇෆ්ගනිස්ථානයට ඇතිවූ ගංවතුරෙන් මිය ගිය සංඛ්‍යාව ඉහළට appeared first on ITN News.
Post a Comment