අධ්‍යයන පොදුසහතික පත්‍ර උසස්පෙළ විභාගයට අදාළ උපකාරක පන්ති පැවැත්වීම අද (31) මධ්‍යම රාත්‍රියේ සිට තහනම් බව විභාග දෙපාර්තමේන්තුව සදහන් කරනවා. අද (31) මධ්‍යම රාත්‍රියේ සිට ලබන සැප්තැම්බර් මස පළමුවනදා දක්වා මෙම තහනම බලපැවැත්වෙන බවයි විභාග කොමසාරිස් ජනරාල් සනත් පූජිත මහතා පවසන්නේ. ඒ අනුව උපකාරක පන්ති සංවිධානය කිරීම, මෙහෙයවීම, සම්මන්ත්‍රණ හා වැඩමුළු පැවැත්වීම , අනුමාන ප්‍රශ්නපත්‍ර මුද්‍රණය, පෝස්ටර් අත්පත්‍රිකා ආදිය විද්‍යුත් හෝ මුද්‍රිත මාධ්‍ය ඔස්සේ ප්‍රසිද්ධ කිරීම මෙන්ම ඒවා ලග තබා ගැනීම ද තහනම් වනවා.
මෙම නියෝග නොසලකා කටයුතු කරන්නන් විභාග පනත යටතේ වරදකරුවන් වන බවයි විභාග කොමසාරිස් ජනරාල් සනත් පූජිත මහතා වැඩිදුරටත් පවසන්නේ. මේ අතර හෙට (01) මධ්‍යම රාත්‍රියේ සිට 05 ශ්‍රේණිය ශිෂ්‍යත්ව විභාගයට අදාළව උපකාරක පනත් පැවැත්වීමද තහනම් වනවා.
Post a Comment