ප්‍රදේශ කිහිපයක සිදු වූ අනතුරුවලින් පුද්ගලයින් තුන්දෙනෙකු ජීවිතක්ෂයට පත් වී තිබෙනවා. ගාල්ල මාතර ප්‍රධාන මාර්ගයේ ධර්මපාල මාවත අසලදී අනතුරක් සිදුව තිබෙනවා. මෝටර් රථයක් හා පා පැදියක් ගැටීමෙනුයි අනතුර සිදුව ඇත්තේ. ඉන් පා පැදිකරු ජිවිතක්ෂයට පත් වු අතර ඔහුගේ වයස අවුරුදු හැටතුනක්. සිද්ධිය සම්බන්ධයෙන් මෝටර් රථ රියදුරු අත්අඩංගුවට ගෙන තිබෙනවා.
කොස්ගොඩ යාලේගම ප්‍රදේශයේදී සිදු වු අනතුරකින් පෞද්ගලික බස් රථයක ගමන් කළ මගීයෙකු ජීවිතක්ෂයට පත්වුණා. බස් රථයේ ඉදිරි දොරටුවෙන් බැසිමට උත්සාහ කිරිමේදී ලිස්සා වැටුණු එම පුද්ගලයා බස් රථයේ පසුපස රෝදයට යටවී බරපතළ තුවාල ලැබු අතර අනතුරුව ජීවිතක්ෂයට පත්ව තිබෙනවා. බස් රථයේ රියදුරු අත්අඩංගුවට ගැනුණු අතර ඔහු බලපිටිය මහෙස්ත්‍රාත් අධිකරණයට අද (19) ඉදිරිපත් කිරිමට නියමිතයි.
මේ අතර තනමල්විල ප්‍රදේශයේදී යතුරුපැදියක් හා පාපැදියක් ගැටිමෙන් අනතුරක් සිදු වුණා. ඉන් බරපතළ තුවාල ලැබු පා පැදිකරු හම්බන්තොට රෝහලට ඇතුළත් කිරිමෙන් පසු ජීවිතක්ෂයට පත්ව තිබෙනවා. වයස අවුරුදු හැටපහක් වු ඔහු ලුනුගම්වෙහෙර ප්‍රදේශයේ පදිංචිකරුවෙක්. තුවාල ලැබු යතුරුපැදිකරු ද හම්බන්තොට රෝහලට ඇතුලත් කර තිබෙනවා.
Post a Comment