ලෝකයේ ප්‍රථම වතාවට කෘත්‍රිම සංසේචනයෙන් බිහිකළ සිංහ පැටවුන් දෙදෙනා පිළිබද තොරතුරු මාධ්‍යයට නිකුත් කර තිබෙනවා. මෙම සිංහ පැටවුන් දෙදෙනා පසුගිය අගෝස්තු විසි පස්වනදා උපත ලබා තිබෙනවා.
ප්‍රිටෝරියා සරසවියේ විද්‍යාඥයින් මාස 18ක් පර්යේෂණ පවත්වමින් මෙම පැටවුන් දෙදෙනා බිහි කිරීමට කටයුතු කර තිබෙනවා. ගැහැණු හා පිරිමි පැටවුන් දෙදෙනා යහපත් සෞඛ්‍ය තත්ත්වයෙන් පසුවන බවයි පැවසෙන්නේ. දකුණු අප්‍රිකානු සිංහ වර්ගයට අයත් මොවුන් දෙදෙනා ඉදිරියේ දී මහජන ප්‍රදර්ශනයට තැබීමට ද නියමිතයි. දකුණු අප්‍රිකානු සිංහයින් සීඝ්‍රයෙන් වදවී යාමේ තර්ජනයකට මුහුණ පා සිටින සත්ව විශේෂයක් වනවා.
Post a Comment