දශක කිහිපයකට පසුව ඇමෙරිකාවේ නැගෙනහිර වෙරළාරක්ෂිත ප්‍රදේශවලට ඇතුළුවන ප්‍රභලම සුළිකුණාටුව පිළිබද එරට කාලගුණ අංශ අනතුරු අඟවා තිබෙනවා. කැරොලිනා වෙරළතීර ප්‍රදේශයේ මිලියනයකට අධික පිරිසක් ආරක්ෂිත ස්ථාන කර යොමුකිරීමට පියවර ගත්තා.
ෆ්ලොරන්ස් ලෙස හැදින්වෙන මෙය බලපෑමට දින තුනකට පෙරයි කාලගුණ අංශ ජනතාවට අනතුරු අගවා තිබෙන්නේ. ෆ්ලොරන්ස් සුළි කුණාටුව මේ වන විට සිව්වන අවධියේ පවතින සුළිකුණාටුවක් වන අතර පැයට කිලෝමීටර 220ක වේගයෙන් සුළං හමා යනවා. වේගවත් සුළං සමග තවදුරටත් ශක්තිමත්වෙමින් බ්‍රහස්පතින්දා දිනය වන විට කැරොලිනා ප්‍රාන්තයෙන් ගොඩබිම කරා ඇතුළු වන බවයි වාර්තා වන්නේ. මේ හේතුවෙන් ඉදිරි දින කිහිපයේදී අධික වැසි, ගංවතුර සහ සුළං තත්ත්වයක් පවතිනු ඇති බවට අනතුරු ඇගවීම් නිකුත් කර තිබෙනවා. උතුරු කැරොලිනා සහ වර්ජනියා යන ප්‍රාන්තවලට මේ වන විටත් හදිසි තත්ත්වයක් ප්‍රකාශයට පත් කර තිබෙනවා.
Post a Comment