රුවන්වැල්ල කරවනැල්ල ප්‍රදේශයෙන් කැලණිගඟේ දිය නෑමට ගිය සිසුවෙකු අතුරුදන් වී තිබෙනවා. රුවන්වැල්ල රාජසිංහ මධ්‍ය මහා විද්‍යාලයීය ක්‍රීඩාංගනයේ පැවති සමස්ත ලංකා වොලිබෝල් තරගාවලියට සහභාගි වීම සඳහා පැමිණි බදුල්ල ප්‍රදේශයේ පාසලක සිසුවෙකුයි මෙසේ දියේ ගිලී අතුරුදන්ව තිබෙන්නේ. තරගය අවසන් වී සිසුන් පිරිසක් කරවනැල්ල කඹුලුමුල්ල ප්‍රදේශයෙන් කැලණි ගඟේ දිය නෑමට ගොස් තිබෙනවා. ඒ අතර සිටි 18 හැවිරිදි සිසුවෙකුයි මෙසේ අතුරුදන්ව ඇත්තේ. ඔහු පස්සර ගෝනගල ප්‍රදේශයේ පදිංචිකරුවෙක්. නාවික හමුදාවේ ද දායකත්වය ඇතිව අතුරුදන් සිසුවා සෙවීමේ මෙහෙයුම් ක්‍රියාත්මකයි.
Post a Comment